تواصل معنا
  • صديقة هديل هشلمون تكشف قصتها و ماذا فعلت قبل موتها
    • الأربعاء، 23 سبتمبر، 2015 / الساعة :
    • 15:51
    صديقة هديل هشلمون تكشف قصتها و ماذا فعلت قبل موتها

    قررت قبل فترة اعلق حسابي على الفيس ما أفتحه إلا بعد مدة ,, بس علشانك يا هديل رح أفتحه ورح أكتب قد ما أقدر ,, وقد ما حاولت أكتب ما رح أقدر أوصفلكم هديل بآخر سنتين بحياتها ,,

    هديل عرفتها من لما كنا أطفال نحفظ قرآن بالمسجد ,, كانت انسانه عاديه ,, بس قررت بفتره من حياتها تتعرف على الله بصدق ,, وتعبده حق عبادته وتعبده عن معرفه ,, حاولت قد ما تقدر تعرف الله ,, وتقرأ ,, كانت تحكيلي انها بتشتري كتب الفقه لتتعرف على دينها ,, وفعلاً قرأت وعرفت وقتنعت بالي قرأته ,, قررت انها تلبس الحجاب الابيض لإقتناعها التام فيه ,, وبعد فتره قصيره كنت بحكي معها قالتلي انها فصلت لبسها لوحدها لأنها قررت تلبس الحجاب الطويل الاسود مع النقاب,, بالنسبة إلي كتير استغربت ,, حتى اني كنت احكي يعني بكفي الحجاب والجلباب الاسود الطويل بس بدون نقاب ,,وهي مقبلة على الحياة الجامعية مش ضروري النقاب ,, بس هي بالعكس كانت مقتنعه بهاد اللبس ..

    انهت الثانوية العامة بمعدل جيد جداً بالفرع العلمي ,, بس لأنها صادقة مع الله وهدفها كان واضح قررت تدرس فقه وتشريع .. وفعلا سجلت وداومت بالجامعة فقه وتشريع ..

    هديل بالمسجد أروع وأروع وأروع انسان عرفتها ,,, وأكثر انسان كانت تصبر على البنات الصغار وهي تسمعلهم إلي بيحفظوه وتفسرلهم الآيات الي بيحفظوها وتجيبلهم هدايا وقصص ,, وتلعبهم ,, مع انه ما كان مفروض عليها اشي من هالشي ,, وكيف كانت تروحهم على بيوتهم وتصبر عليهم

    كنت أقلها " يا هديل خلص ما تهتمي كتير على البنات لصغار , لأنهم فعلا كتير صعب التعامل معهم والصبر عليها " كانت تقلي مش مشكلة انا بصبر عليهم وبضل اسمعلهم ,, علشان يضلوا يحفظوا قرآن وما يتركوا القرآن بعد ما يبدوا المدرسة "

    مين رح يتابع البنات الصغار ويسمعلهم ويفسرلها القران ؟!

    أذكر انه محفظتنا بالمسجد طلبت مني اشتريلها هدية بنات المسجد لنجاحها بالثانوية العامة ,, اخترتلها كتاب " ماذا قدم المسلمون للعالم " ,, يا الله اديه انبسطت على الكتاب ,, واديه شكرتني عليه ,, لأنها كتير كانت حابه تتتعرف على هيك أمور ,,

    وبذكر قبل فتره اجت للمحظة باالمسجد وقالتها " أنا بدي ارجع اسمعلك القران من أول وجديد " مع انه هي انهت حفظ القران ,, بس هي لأنها عندها اراده تثبت حفظها

    مش عارفة ايش وايش احكي عن هديل ؟!

    نفسي اقلكم كيف كانت تقلي عن صيام الاثنين والخميس ,, لهلأ كلمتها بتردد بأذني " فيحاء صومي الاثنين والخميس والله انه شعور رائع جدأ حقاً انه رائع "

    ولا لما حكتلي عن قيام الليل وكيف بتنصح الكل بقيامه ,,,ولا عن اللباس الواسع وعن الجلباب ؟!

    ولا لما قالت عن كتاب " لأول مره اصلي " .. وكيف لما قرأته تغيرت ؟!

    أحكي عن فكرتها بالحديث بالعربية الفصيحة , وصبرها على كل الاستهزاء الي كانت تتعرضله ؟

    ولا أحكي عن أفكارها الريادية التطوعية الي كانت تخطط تنفذهم ؟!

    ولا ,,, وولا ... ولا ...

    ووالله لو ضليت أقلكم ما رح أنهي الحديث عنها ,, بس ممكن ألخص حديثي بجملة وحده

    " هديل انسانه صدقت بعودتها لله فصدقها الله "

    نيالك نيالك يا هديل على هالاستشهاد ,, رح تفطري اليوم فوق فوق فوووووووووق بالسما عند الله وعد الملائكة ,,,

    هديل انتِ ملاك مر على هادنيا ,,, رح تبقي ورح تبقى افكارك فيها

    الله يرحمك ويجعنا فيك بالفردوس الاعلى ياااااااااااااا الله
    شارك المقال مع أصدقائك
    مقالات أشعلت مواقع التواصل الاجتماعي
    جديد المقالات